HStAOrient5a: 9r

şerr ola gerekdür ki şerrden bedter ola. Civān dėdi‑ki: El‑ān // s̱ābit ü muqarrer midür ki şerr fiʿl‑i Ehrimen ve Ehrimen şerrden bedter // ola? Gebr dėdi ki: Belī. Civān dėdi ki: Pes cevāb vėr ki bu // Ehrimen dėdügüñ ne aṣldan peydā ve ne ʿunṣūrdan hüveydādur? // Gebr dėdi ki: Fikret‑i yezdāndan peydādur. Bu-vechle[dür] ki Yezdān ezel‑i // āzālde fikr ü ḫayāl qıldı ki hīç gendünüñ ḥükūmet‑i şāḫīsine // māniʿ bir şerīk‑i münāziʿ ẓāhir ola mı. Pes ol fikr‑i bedden // bir dīv‑i münāfir maḫlūq olub nāmı Ehrimen oldı. Civān // eyitdi çün dükeli şerr Ehrimenden ʿıyān ve Ehrimen fikret‑i // Yezdāndan pes nümāyān oldı ki yezdān dükeli şerrden // beter ve cemīʿ‑i şerrde ser‑defter ola. Naʿūḏu bi‑llāhi min šarri š‑šayāṭīn. // Gebr‑i laʿīn daḫı dem‑beste olub cevāb‑i civāna taḥsīn // olındı. Suḫan‑Guftan bā‑S̱enevī. Civān Vās̱iq Billāh emriyle // S̱enevīye iltifāt ėdüb dīnlerine müteʿallıq kelimāt isteyicek // S̱enevī dėdi ki: Bizüm dīnimüzde iki aṣl‑i qadīm müs̱bet. Biri // nūr ve biri ẓulmetdür. Nūr bi‑ṭ‑ṭabʿ ḫayr u ḥakīm ve ẓulmet // bi‑ṭ‑ṭabʿi şerr u sefiye‑i saqīmdür. Ve her nesne ki ʿālemde ḫayrdur